ÉG BÝÐ MIG FRAM er röð óhefðbundinna örverkasýninga þar sem leikstjórinn Unnur Elísabet býður listamönnum úr ólíkum áttum til samstarfs. Útkoman er óvenjuleg leikhúsupplifun, suðupottur nýrra hugmynda, eins konar smáréttaveisla fyrir áhorfendur.Þetta er í fjórða sinn sem hátíðin er sett upp og að þessu sinni er útgangspunktur sýningarinnar Nýr heimur. Unnur Elísabet býður nú sjö ólíkum listamönnum í dúett og tvinnar þannig saman ólík listform, leiklist, hreyfingu, myndlist og tónlist. Sýningin fjallar um ólíka heima og heimsenda, á persónulegum eða hnattrænum skala.

 

Seríur 1 og 3 hlutu tilnefningar til Grímunnar og sería 2 var valin sýning ársins á Reykjavík Fringe Festival.

​

Leikstjóri: Unnur Elísabet Gunnarsdóttir

Aðstoðarleikstjóri: Ellen Margrét Bæhrenz

Tónskáld: Annalísa Hermannsdóttir

Leikmynda- og búningahöfundur: Sara Hjördís Blöndal

Ljósahönnuðir: Hafliði Emil Barðason og Juliette Louste

Flytjendur: Anais Barthe, Annalísa Hermannsdóttir, Berglind Halla Elíasdóttir, Bryndís Ósk Þ. Ingvarsdóttir, Ellen Margrét Bæhrenz, Friðrik Margrétar- Guðmundsson, Júlíanna Ósk Hafberg, Thomas Burke, Tinna Þorvalds Önnudóttir og Unnur Elísabet Gunnarsdóttir.